तत्कालीन सातारा लोकसभेचे खासदार राजे विजयसिंह डफळे यांच्या नंतर तब्बल चार तपानंतर जत तालुक्यातील नेत्याला कॉग्रेस पक्षाची जिल्ह्यातील जिल्हाध्यक्ष या महत्वाच्या पदाची जबाबदारी देण्यात आली आहे.
एका बँकेचे शाखाधिकारी ते जतचे आमदार असा मोठा संघर्ष केलेले आमदार विक्रमसिंह सांवत यांना पक्ष नेतृत्वाने मोठी जबाबदारी दिली आहे.
कॉग्रेसचा बालेकिल्ला असलेला जत विधानसभा मतदार संघ मोदी नावाची सुनामी असतानाही आ.सांवत यांनी भाजपाकडून मोठ्या मताधिक्याने परत मिळविण्याची किमया त्यांनी साधली होती.
सांगली जिल्हा कॉग्रेसचा गढ आहे,तो पुन्हा कॉग्रेसमय करण्यासाठी सर्वांना बरोबर घेऊन पक्षाची ताकत वाढविण्यासाठी माझा प्रयत्न राहिल.सांगलीसह जिल्ह्यातील तालुक्यात कॉग्रेस कार्यकर्त्यांची मजबूत मोट बांधू,असे आमदार विक्रमसिंह सांवत यांनी निवडीनंतर बोलताना सांगितले.
