जत,संख येथे तब्बल महिनापेक्षा जादा कालावधी होऊनही तहसीलदार मिळाला नसल्याच्या निर्षेधार्थ जत भाजपाच्या वतीने माजी आमदार विलासराव जगताप व भाजपाचे नेते डॉ.रविंद्र आरळी यांच्या नेतृत्वाखाली बोंबाबोब आंदोलन करण्यात आले. यावेळी महाआघाडी सरकार,विद्यमान आमदाराविरोधात घोषणा देत बोंबाबोब करत प्रांताधिकारी प्रंशात आवटे यांना निवेदन देण्यात आले.
अँड.प्रभाकर जाधव,उमेश सांवत,संग्राम जगताप, बसवराज पाटील,आप्पा मासाळ,सुनिल छत्रे व भाजपा पदाधिकारी उपस्थित होते.
जगताप पुढे म्हणाले,महाआघाडीचे सरकार व जत तालुक्याचे विद्यमान आमदार पुर्णत: अपयशी ठरले आहेत.त्यांना सर्वात कमिशन पाहिजे आहे.त्यामुळे तालुक्यातील त्यांच्या मर्जीतील अधिकारी नेमण्यासाठी तालुक्यातील अनेक अधिकारी पदे रिक्त आहेत.महत्वाचे म्हणजे जत एक महिन्यापासून,संखला अडीच महिन्यापासून तहसीलदार पद रिक्त आहे.तालुक्याला महत्वाचे अधिकारी नसल्याने जनतेला अनेक समस्यांना तोंड द्यावे लागत आहे.शासकीय कामे अडली आहेत.मात्र विद्यमान आमदारांच्या हट्टापायी नेमलेले अधिकारी हजर करून घेतले जात नाहीत.पैसे देणाऱ्या अधिकाऱ्यांना शिफारस पत्र देण्यात येतात.तेच अधिकारी दिलेले पैसे काढण्यासाठी जनतेच्या मानगुटीवर बसून पैसे ओरबडतात.यात बद्दल झाला पाहिजे अन्यथा आम्हाला रस्त्यावर उतरावे लागेल असा इशाराही जगताप यांनी दिला.
शासनाकडे पैसे नाहीत, त्यामुळे पंचनाम्यापुढे काहीही होत नाही.मदतीसाठी सरकार हात वर करत आहे.
जतेत भाजपाच्या वतीने माजी आमदार विलासराव जगताप, डॉ. रविंद्र आरळी यांच्या नेतृत्वाखाली बोंबाबोब आंदोलन करण्यात आले.
